Թափուր աշխատատեղեր
2026 թ․ սեպտեմբերի 25-ից «Ընդհանուր և անօրգանական քիմիայի ինստիտուտ» ՊՈԱԿ-ը ինստիտուտի նշված լաբորատորիաների վարիչների և խմբերի ղեկավարների պաշտոնների թափուր տեղերի համար հայտարարում է մրցույթ՝ 1) «Նանոկոմպոզիտային նյութերի և լցոնների» լաբորատորիա, 2) «Ապակու-սիտալների քիմիայի և տեխնոլոգիայի» լաբորատորիա, 3) «Հիմնային ապարների ֆիզիկաքիմիական հետազոտությունների և մշակման» լաբորատորիա, 4)«Ալյումասիլիկատային հումքի համալիր վերամշակման և անօրգանական պոլիմերների» լաբորատորիա, 5) «Հանքային աղերի» լաբորատորիա, 6) «Անօրգանական կոմպոզիտային նյութերի քիմիայի և տեխնոլոգիայի» խումբ, 7) «Ալյումին պարունակող բնական հումքի և արտադրական թափոնների վերամշակման» խումբ։ Համաձայն գիտական կադրերի ատեստավորման կարգի՝ «Գիտական կազմակերպւություններում գիտական և ճարտարագիտատեխնիկական պաշտոնները և դրանց գնահատման նվազագույն չափանիշները հաստատելու մասին» Հայաստանի Հանրապետության կառավարության 21 դեկտեմբերի 2023 թվականի N 2298-Ն որոշման՝ մրցույթին կարող է մասնակցել Հայաստանի Հանրապետության քաղաքացին կամ ռեզիդենտներ, (աշխատանքի իրականացման ընթացքում բնակվեն Հայաստանի Հանրապետությունում), ով՝ 1) ունի կազմակերպությունում իրականացվող գիտական հետազոտությունների բնագավառին համապատասխան կամ հարակից բնագավառներում գիտական աստիճան (նույնը խմբի ղեկավարի դեպքում). 2) ունի գիտական, գիտատեխնիկական կամ գիտակրթական առնվազն յոթ տարվա աշխատանքային ստաժ, (խմբի ղեկավարի դեպքում՝ առնվազն 1 տարի). 3) վերջին հինգ տարիների ընթացքում (չհաշված զինվորական ծառայության կամ մինչև երեք տարեկան երեխայի խնամքի արձակուրդում գտնվելու ժամանակահատվածները) համահեղինակել է բնական գիտությունների մասնագիտություններով՝ առնվազն վեց հրապարակում ՄԳՇ-ում (խմբի ղեկավարի դեպքում՝ չորս հրապարակում). 4) վերջին հինգ տարիների ընթացքում (չհաշված զինվորական ծառայության կամ մինչև երեք տարեկան երեխայի խնամքի արձակուրդում գտնվելու ժամանակահատվածները) բնական գիտությունների մասնագիտություններով առնվազն չորսում հանդես է գալիս որպես առաջին, վերջին կամ գրագրություն պահպանող հեղինակ (խմբի ղեկավարի դեպքում՝ չի պահանջվում): Մրցույթին մասնակցելու համար անհրաժեշտ է ներկայացնել հետևյալ փաստաթղթերը՝ ա) դիմում՝ ուղղված ինստիտուտի տնօրենին, բ) ինքնակենսագրություն գ) կադրերի հաշվառման անձնական թերթիկ՝ լրացված, դ) լուսանկար (2 հատ), ե) անձնագրի և սոցիալական քարտի կամ նույնականացման քարտի պատճենները, զ) բարձրագույն կրթության դիպլոմի պատճենը, է) գիտական աստիճանը և գիտական կոչումը (առկայության դեպքում) հավաստող փաստաթղթերի պատճենները, ը) հրատարակված գիտական աշխատանքների ցանկը, թ) բնութագիր վերջին աշխատավայրից, ժ) տեղեկանք մշտական բնակության վայրից, ի) լաբորատորիայի (խմբի) զարգացման ծրագիր։ Դիմումների և անհրաժեշտ փաստաթղթերի ներկայացման վերջնաժամկետն է 2025 թ. սեպտեմբերի 24-ը (ներառյալ): Մրցույթին մասնակցելու համար պահանջվող փաստաթղթերն անհրաժեշտ է ներկայացնել մեկ ամսվա ընթացքում (հայտարարությունը հրապարակելու օրվանից) հետևյալ հասցեով՝ ք. Երևան, Արղության փ. 10/2, 2-րդ նրբ, «Ընդհանուր և անօրգանական քիմիայի ինստիտուտ» (գիտական քարտուղարին), հեռ. +374 10-23-06-21, +374 99 838650, gmanukyan@sci.am
Կարդալ ավելին